Memleket basshysy Qasym-Jomart Toqaevtyń qatysýmen Astana halyqaralyq forýmy ótip jatyr.
Prezıdent Qazaqstannyń kópjaqty yntymaqtastyqqa negizdelgen brendin sóz etti, dep habarlaıdy Almaty-akshamy.kz.
«Qazaqstan burynnan Shyǵys pen Batystyń, Soltústik pen Ońtústiktiń arasyndaǵy altyn kópir sanalady. Kóp jaǵdaıda bul forým uly Eýrazıa dalasynyń mádenıetine, tarıhyna saı keledi. Biz osynaý muramyzdy maqtan tutamyz. Dál osy úzdiksiz taýar, mádenı jetistikterimiz ben ıdeıa almasý arqyly Qazaqstannyń ózindik ulttyq biregeıligi jáne onyń erekshe kópjaqty yntymaqtastyqqa negizdelgen brendi qalyptasty», - dedi Qasym-Jomart Toqaev.
Prezıdent geosaıası qıyndyqtarǵa qaramastan, Qazaqstan Ortalyq Azıada da ekonomıkalyq lokomotıv qyzmetin atqaryp otyrǵanyn aıtty.
«Biz shetelden keń kólemde ınvestısıa tartýdy jalǵastyramyz jáne Qazaqstanda bıznes júrgizý úshin barynsha jaǵdaı jasaımyz», - dedi Memleket basshysy.