Qazaqstan avtorlar qoǵamy ashyq sıfrlyq júıemen jumys isteıdi. Jaqynda respýblıkalyq qoǵamdyq birlestik, ózderiniń resmı saıtynda jeke kabınet qyzmetin iske qosty. Onda avtor óziniń shyǵarmasy qaı jerde oryndalǵanyn jáne oǵan qansha syıaqy tólengenin kóre alady. Bul týraly birlestik jıynynda aıtyldy,-dep habarlaıdy Almaty-akshamy.kz. 24.kz-ke silteme jasap.
Osy istiń basy-qasynda júrgenderdiń aıtýynsha, «Avtorlyq jáne sabaqtastyq týraly» zańda, qalam-aqy bir jylda eń kemi 3 ret berilý kerek delingen. Ony aı saıyn berýge de bolady. Biraq qalamaqyny jalaqy alǵandaı, alyp turam degen qate túsinik. Mólsheri aılyq eseptik kórsetkishke jáne shyǵarmanyń oryndalýyna baılansty bolady. Basqosýda sondaı-aq basshylyq quram aýysty.
Buǵan deıin tóraǵa qyzmetin atqaryp kelgen Balnur Qydyrbektiń ornyna Baıǵalı Esenalıev saılandy. Al bas dırektor qyzmetine Mamythan Muqan keldi.
- Keıbireýler mlnǵa jýyq alady. Keıbireýleri eshteńe almaıdy. Onyń ústine neshe túrli jaǵdaı bar. Máselen, Qazaq radıosynan meniń shyǵarmalarym 112 ret berilipti. Sonyń bar syıaqysy 1800 teńge. Onyń óziniń memleket bekitken mólsheri bar. Ólshemi bar. Onyń ústine efır degen kóp qoı. Oryndaıtyn adam da kóp. Shyǵyn kóp. Túsken aqshany bárine bólgende tıyn teben bolady,-deıdi kompozıtor Balnur Qydyrbek.
Qazaqstan avtorlar qoǵamyna, qazir 5 myńǵa jýyq adam múshe.
«Bizde 12 avtorlar qoǵamy, 9 jaýapkershiligi shekteýli seriktestik bar. Osylardyń barlyǵy qalamaqy jınaıdy. Avtorlyq jáne sabaqtastyq týraly zań boıynsha TOO, JSHB ol qalamaqy jınaı almaıdy. Biraq bizde osyǵan tıesili mınıstrlik lısenzıa bergen ǵoı. Osy jerde árıne olardyń qalamaqy mólsheri azaıady»,-dedi aqyn, kompozıtor Bekjan Áshirbaev.