Qazaqstan 2025 jyly Aýǵanstanǵa avtokólikter jetkizýdi bastaýy múmkin ekenin málimdedi premer-mınıstrdiń orynbasary Serik Jumanǵarın, dep habarlaıdy aqshamnews.kz.
«Iá, aýǵan áriptesterimiz bizden avtokólikter jetkizýdi uıymdastyrýdy surady. Kabýl qalasynyń damýy óte qarqyndy júrýde. Qurylys, saýda salalary órkendep keledi. Qarjylaı múmkindigi bar orta tap qalyptasýda. Sol sebepti olar bizdiń jańa jáne júrilgen avtokólikterdi satatyn avtoortalyqtardy uıymdastyrý úshin kezdesýler ótkizýdi surady. (…) Meniń oıymsha, kelesi jyly alǵashqy avtokólikterdi satýdy bastaý múmkindigi týyndaıdy», – dedi Jumanǵarın sársenbi kúni úkimet brıfıńinde.
Vıse-premer bul máseleni Qazaqstandaǵy birneshe jetkizýshimen talqylaǵanyn aıtty. Biraq aldymen aýǵan tarapynan senimdi seriktes qajet ekenin atap ótti. Sondaı-aq, mundaı bıznesti uıymdastyrý úshin jetkizý baǵyttaryn zertteý kerek. 22 qazanda Almatyda Qazaqstan-Aýǵanstan bıznes-forýmy eki eldiń ókilderiniń qatysýymen ótti.