Olar reseılikterden keıingi ekinshi orynǵa turaqtady.
Qazaqstandyq áskerıler Reseıde ótip jatqan jarysqa qatysyp jatyr. Shara barysynda olar jaqsy nátıjege qol jetkizip jatyr, dep habarlady Almaty-akhamy.kz.
«Qazaqstan komandasy Armıalyq halyqaralyq oıyndar sheńberinde ótip jatqan «Elbrýs sheńberi» konkýrsynda birinshi kezeńniń eki arnaıy tapsyrmasyn oryndaý nátıjesi boıynsha ekinshi orynǵa turaqtady. Reseı komandasy kósh bastap tur»,— delingen Qorǵanys mınıstrliginiń habarlamasynda.
Alǵashqy konkýrstyq saıystar barysynda qatysýshylar jasandy taý bederine shabýyl jasap, taýly jerde baǵdarlaýdy pysyqtady. Birinshi kezeń sheńberinde jaýyngerler taǵy úsh arnaıy tapsyrmany oryndaıtyn bolady.
Úsh kezeńnen turatyn konkýrstar barysynda qatysýshylar arnaıy tapsyrmalardy oryndaıdy. Eń kúrdelisi ekinshi kezeń bolmaq. Onda áskerı qyzmetshiler bıik taý jaǵdaıynda marsh jasaıdy. Al úshinshi kezeńde olar Elbrýs shyńyn baǵyndyrmaq. Onyń bıiktigi – 5 642 metr.
Jarysqa toǵyz elden kelgen komandalar qatysady. Olar – Abhazıa, Armenıa, Úndistan, Qazaqstan, Qytaı, Pákistan, Reseı, Ózbekstan jáne Ońtústik Osetıa.
Halyqaralyq konkýrsta el namysyn Qazaqstan Qarýly Kúshteriniń atynan Taýdaǵy daıarlyq ortalyǵynyń áskerı álpınıseri qorǵaıdy. Jarys Kabardın-Balqardaǵy (RF) «Terskol» taýdaǵy polıgonynda ótýde.
