Qarasha aıynda altyn-valúta rezervteri 945 mln AQSH dollaryna artyp, 33,9 mlrd AQSH dollaryn qurady. Bul týraly Almaty-akshamy.kz Inform.kz-ke silteme jasap habarlaıdy.
Ótken aıdyń ishinde EDB qarajatynyń Ulttyq banktegi valúta shottarynan áketýin baıqaǵanymyzǵa qaramastan, rezervter altyn baǵasynyń 7,4%-ǵa ósýi aıasynda bir ýnsıa úshin1639 dollardan 1760 dollarǵa deıin ósti.
Baǵaly metaldyń qymbattaýy AQSH-taǵy ınflásıa boıynsha derekterdiń shyǵýyna jáne memlekettik oblıgasıalar kiristiliginiń keıinnen tómendeýine, sondaı-aq AQSH dollarynyń álsireýine baılanysty boldy.
Altyn baǵasynyń ósýi aıasynda Ulttyq bank halyqaralyq rezervterdi ártaraptandyrý úshin altyn úlesin qysqartý saıasatyn jalǵastyrý sheńberinde altyndy turaqty valútaǵa satty.
Altyn-valúta aktıvterin alokırleýdi ártaraptandyrý men teńestirýdi arttyrý maqsatynda Ulttyq bank jyl basynan bastap rezervterdegi altyn úlesin 68%-dan 63%-ǵa deıin tómendetti. Altyn naryq talaptaryna sáıkes tolyq satylady. Bul rette, baǵanyń ózgerý táýekelin hejırleý maqsatynda altynnyń bir bóligi opsıondyq strategıalardy qoldana otyryp satylady. World Gold Council uıymynyń sońǵy reıtıńine sáıkes, Qazaqstan rezervter quramyndaǵy altyn qory boıynsha 16-orynda tur. Oǵan qosa, Qazaqstan rezervter quramyndaǵy altyn úlesi boıynsha eń joǵary 10 eldiń qataryna kiredi. Qazaqstannan basqa, 82%-ben Venesýela, 70%-ben Portýgalıa, 66%-ben AQSH jáne 65%-ben Germanıa sıaqty elder rezervter quramyndaǵy altyn úlesi boıynsha kóshbasshy elderge jatady. Bul rette Qazaqstan rezervteriniń quramyndaǵy altynnyń úlesi RF, Ulybrıtanıaǵa, Úndistanǵa, Shveısarıaǵa, Japonıaǵa jáne Qytaıǵa qaraǵanda aıtarlyqtaı joǵary, olardyń rezervter quramyndaǵy altyn portfeli shamamen 20%, 10%, 8%, 6%, 4% jáne 3%-dy quraıdy.