Baǵa jetpes rýhanı qundylyq
Búgin Almatyda Qazaq PEN klýby jaryqqa shyǵarǵan kitaptardy Ulttyq kitaphanaǵa syıǵa tartý aksıasy ótti, dep habarlaıdy Almaty-akshamy.kz.
Qazaq PEN klýbynyń bul ádebı jobasy - ulttyq ádebıetimizdi álem jurtshylyǵyna nasıhattaý jáne ilgeriletý maqsatynda qazaq ádebıetiniń damýyna ólsheýsiz úles qosqan jazýshylardyń, qazaq klasıkteriniń shyǵarmashylyq murasyn aǵylshyn tiline aýdaryp, oqyrmandarǵa usyný.
Kitaphana qoryna qazaq klasıkteri men aqyn-jazýshylarynyń, sonyń qatarynda Berdibek Soqpaqbaevtyń «Meniń atym Qoja» romany, Ábish Kekilbaevtyń «Ańyzdyń sońy» Oljas Súleımenovtiń «Sóz shıfry», Muqaǵalı Maqataevtyń «Tańdamaly poezıasy», Smaǵul Elýbaıdyń «Jalǵyz seniń», Abaıdyń «GHAQLIA», Muhtar Áýezovtyń «Tańdaǵy arý» shyǵarmalary, Gerold Belgerdiń, Qajyǵalı Muhanbetqalıev, Qalıhan Ysqaqov, Ulyqbek Esdáýletov, Serik Aqsuńqaruly, Bıgeldi Ǵabdýllınniń AQSH pen Anglıada aǵylshyn tiline aýdarylyp, jaryq kórgen kitaptary syıǵa tartyldy. Bul kitaptardyń kitaphana qorynan laıyqty oryn alyp, san myńdaǵan oqyrmandar úshin baǵa jetpes rýhanı qundylyq bolatyny sózsiz.
⠀
Sonymen qatar, jazýshy Raýshan Búrkitbaeva-Nýkenova «Tabýn lýnnyh nocheı», «Svet kochevoı zvezdy» atty kitaptaryn jáne tarıh ǵylymdarynyń doktory, profesor Mýhambedıa Akıshev «Istorıa sıvılızasıı nepokornoı stepı» atty kitaptaryn óz qoltańbalarymen kitaphana qoryna syıǵa tabystady.
⠀
Sharaǵa aqyn-jazýshylar, zıaly qaýym ókilderi, kitaphana oqyrmandary, kitaphanashylar qatysty.