Qaýyn - dámi til úıiretin jemis qana emes, tabıǵı emniń kózi. Onyń quramynda aǵzaǵa qajet paıdaly zat óte kóp, - dep habarlaıdy Aqshamnews.kz tilshisi TSN arnasyna silteme jasap.
Qaýyn densaýlyqqa qalaı áser etedi?
Qaýyndy keıde "jastyqtyń elıksıri" dep atalady. Bul jaı teńeý emes. Onyń quramyndaǵy beta-karotın bar. Ol terini últrakúlgin sáýleden qorǵaıdy jáne kollagen bólinýin kúsheıtedi. Qaýyndy turaqty jeıtin adamdardyń terisi tartymdy, ájim azaıyp, bet álpeti balǵyn tartady.
Kórý qabiletin jaqsartady
Qaýynda A dárýmeni mol. Bul dárýmen kózdiń saýlyǵy úshin asa qajet. Qaýyn kózdiń kórýin jaqsartyp, kóz aýrýlarynyń aldyn alýǵa, tipti jasqa baılanysty ózgeristerdi baıaýlatýǵa kómektesedi.
Júrekke paıdaly
Qaýynnyń quramyndaǵy kalıı júrek pen qan qysymyna jaqsy áser etedi. Qaýyndy jıi jegen adamnyń qan qysymy turaqtanyp, júrek bulshyqeti nyǵaıady, júrek aýrýlarynyń qaýpi azaıady.
Kúızeliske qarsy kómektesedi
Qaýynda trıptofan atty amınqyshqyl bar - ol aǵzada serotonın (baqyt gormony) túzilýine qatysady. Sondyqtan qaýyn jegen soń kóńil-kúı jaqsaryp, kúızelis azaıady. Tipti ýaıym men mazasyzdyqty jeńildetýge kómektesedi degen pikirler bar.
Asqorytý júıesin jaqsartady
Qaýyn - talshyqqa baı jemis. Ol ishek jumysyn jaqsartyp, asqorytý júıesin retteıdi. Jıi jegen jaǵdaıda ish qatýdyń aldyn alýǵa kómektesedi.
Aryqtaǵysy keletinderge taptyrmas jemis
Qaýyn tátti bolǵanymen, kalorıasy az - 100 gramynda bar bolǵany 41 Kkal. Onyń quramynda sý kóp, sondyqtan tábetti basyp, aǵzany ylǵalmen qamtamasyz etedi. Qantqa degen qumarlyqty basyp, salmaq tastaýǵa sep bolady.