Úkimet aldyna tapsyrmalar qoıyldy
14 shilde kúni QR Prezıdenti Qasym-Jomart Toqaevtyń tóraǵalyq etýimen Úkimettiń keńeıtilgen otyrysy ótti. Prezıdent aıtqan máselelerge sarapshylar pikir bildirýde, dep habarlaıdy Almaty-akshamy.kz.
Fılosofıa, saıasattaný jáne dintaný ınstıtýty Saıası zertteýler ortalyǵy dırektorynyń orynbasary Núrken Aıtymbetovtiń pikirinshe, Memleket basshysy álemde oryn alyp otyrǵan kúrdeli geosaıası jáne ekonomıkalyq turaqsyzdyqtarǵa qaramastan el ekonomıkasynyń birqalypty damyp, osy jartyjyldyqtyń qorytyndysy boıynsha 3,4 paıyzǵa, al naqty sektor 4,1 paıyz deńgeıinde ósim kórsetkendigin basa aıtty. Alaıda, kún saıyn qubylyp otyrǵyn ınflásıany aýyzdyqtaý, azyq-túliktiń tapshylyǵy men qymbatshylyqpen kúres boıynsha Úkimet jumysyna kóńili tolmaıtyndyǵyn jetkizdi. Osyǵan baılanysty azamattardyń tabysyn arttyrý men adam kapıtalyn damytý, aqsha-nesıe jáne salyq-búdjet saıasatyn jetildirý, avtojoldardy jóndeý jáne taǵy basqa da naqty sektorlardy qoldaý boıynsha Úkimet aldyna tapsyrmalar qoıdy.
«Memleket basshysynyń Úkimet jumysyn osylaısha qatań baqylaýǵa alýy, ekonomıkanyń árbir salasyna jaýapty organdardyń naqty atqarǵan jumystarynyń tıimdiligine qarap baǵalaýy – ýaqyt talaby. Bul qoǵam aldyna úırenshikti túrde jyl saıyn keıbir bılik organdary tarapynan beriletin, kóp jaǵdaıda sońyna deıin sapaly oryndala bermeıtin bos ýádeler men jalǵan esepterdiń zamany kelmeske ketkenin kórsetedi. Endi sózden naqty iske kóshetin ýaqyt keldi. Osylaısha árbir jaýapty mınıstrlikterdiń atqarǵan qyzmeti Memleket basshysynyń árqashan jeke baqylaýynda bolyp, toqsan saıyn naqty atqarylǵan sharalar boıynsha esep berýi eldiń tu-raqty damýynyń aıqyn kepili bolmaq», - deıdi Núrken Aıtymbetov.
«Osyǵan oraı, Prezıdent Q.K.Toqaev keıbir mınıstrlikterdiń qyzmetin synǵa alyp, eskertýler men sógister jarıalady. Atap aıtqanda, Sıfrlyq damý, ınno- vasıalar jáne aeroǵarysh ónerkásibi mınıstri Baǵdat Mýsınge eskertý jasaldy. Prezıdenttiń aıtýy boıynsha elimizde sıfrlandyrý baıaý júrip jatyr. Memleket bashysynyń bul salaǵa erekshe kóńil bólý sebebi búgingi kúni sıfrlandyrý ekonomıkanyń damýynyń qozǵaýshy kúshi bolyp tabylady. Qoǵam ómiriniń barlyq salasyna sıfrly tehnologıalardy engizý arqyly ekonomıkanyń damý qarqynyn jyldamdatý jahandyq trendke aınalyp otyr». – dedi ol.
Sonymen qatar sarapshynyń oıynsha, bizdiń memlekette sıfrlandyrý salasynda álemdik jetistikter men kemshilikterdi eskere otyryp tıimdi iske asyrylǵan is-sharalar aldaǵy ýaqytta ekonomıkalyq ósim men álemdik sahnada eldiń básekege qabilettiligin qamta-masyz etetini sózsiz. Sondyqtan Memleket basshysy búgin sıfrlandyrýdy damytý boıynsha zańǵa qol qoıdy. Bul zańǵa engizilgen ózgerister men tolyqtyrýlar aldaǵy ýaqytta ınovasıalardy yntalandyrý, sıfrlandyrýdy, aqparattyq qaýipsizdik pen bilim berýdi damytýǵa jaǵdaı jasaıtyn bolady.