Prezıdenttikten úmitker Qasym-Jomart Toqaev Astanadaǵy Oqýshylar saraıynda ornalasqan №58 saılaý ýchaskesinde daýys berdi, dep habarlaıdy Almaty-akshamy.kz tilshisi.
Kezekten tys prezıdent saılaýynda daýys berý úshin Qasym-Jomart Toqaev №58 saılaý ýchaskesine saǵat 8.48-de keldi.
Atalǵan saılaý ýchaskesiniń tóraıymy Qymbat Muqanovanyń aıtýynsha, atalǵan ýchaskede 2627 adam tirkelgen. Qazirgi ýaqytta 200-den astam saılaýshy daýys berip úlgergen.
Qasym-Jomart Toqaevtyń kandıdatýrasyn birneshe saıası partıa men respýblıkalyq qoǵamdyq birlestik halyqtyq koalısıa retinde usyndy. Ortalyq saılaý komısıasy Qasym-Jomart Toqaevti 12 qazanda úmitker retinde tirkedi.
Q. Toqaevty qoldaý jónindegi Respýblıkalyq qoǵamdyq shtab ókilderi elimizdiń barlyq óńirlerin aralap shyqty.