Onlaın formatta ótetin jıynǵa Qytaı tarapy bastamashy boldy.
Memleket basshysy Qasym-Jomart Toqaevtyń qatysýymen «Ortalyq Azıa – QHR» samıti bastaldy, dep habarlaıdy Almaty-akshamy.kz
«Prezıdent Qasym-Jomart Toqaev 25 qańtarda dıplomatıalyq qatynastardyń 30 jyldyǵyna arnalǵan «Ortalyq Azıa – QHR» atty samıtke qatysady. Onlaın formatta ótetin jıynǵa Qytaı tarapy bastamashy boldy», - dep jazǵan edi buǵan deıin QR Prezıdentiniń baspasóz hatshysy Berik Ýálı Facebook-paraqshasynda.
Baspasóz hatshysy atap ótkendeı, kóshbasshylar túrli salalar boıynsha Ortalyq Azıa elderi men Qytaı arasyndaǵy kópjaqty strategıalyq yntymaqtastyqtyń damý perspektıvalaryn talqylaıdy.
İs-shara qorytyndysy boıynsha dıplomatıalyq qatynastardyń 30 jyldyǵyna baılanysty Birlesken málimdeme qabyldanady dep josparlanǵan. Samıtke QHR Tóraǵasy Sı Szınpın, Ózbekstan Prezıdenti Shavkat Mırzıóev, Qyrǵyzstan Prezıdenti Sadyr Japparov, Túrikmenstan Prezıdenti Gýrbangýly Berdimuhamedov, Tájikstan Prezıdenti Emomalı Rahmon qatysýda.