Erlan Qarın «Qazaqstan» teleradıokompanıasynyń Almaty fılıalyna qarasty ǵımaratty aralap kórdi
"Qasiretti qańtar» oqıǵasy kezinde Almatydaǵy bes birdeı telearnaǵa shabýyl jasalǵany barshańyzǵa belgili. Búgin Almaty qalasyna jasaǵan jumys saparymda «Qazaqstan» teleradıokompanıasynyń Almaty fılıalyna qarasty ǵımaratty aralap kórip, telearna qyzmetkerlerimen áńgimelestim".
Bul týraly Memlekettik hatshy Erlan Qarın facebook-paraqshasynda jazdy, dep habarlaıdy Almaty-akshamy.kz
Stýdıalar órtengen, ǵımarat búlingen. Eń ókinishtisi, qańtar oqıǵasy kezinde ulttyq jýrnalısıkanyń qara shańyraǵy sanalatyn Qazaqstan telearnasynyń jyldar boıyna jınaǵan muraǵattyq jazbalarynyń baǵa jetpes, túpnusqadaǵy aýdıo-beıne qorynyń biraz bóligi joıylyp ketti.
Telearnanyń zardap shekken stýdıalary jaqyn arada qaıta qalpyna keltiriledi. Aman qalǵan beınetaspalardy sıfrlandyrý jumysyn jedel túrde qaıta bastaıtyn bolamyz, – dedi Erlan Qarın.