Ilá Jaqanov - qazaq mádenıetiniń tuǵyrly tulǵasy. Bul týraly búgin elimizdiń birqatar azamatyn memlekettik nagradamen marapattaý rásiminde QR Prezıdenti Qasym-Jomart Toqaev aıtty, dep habarlaıdy Almaty-akshamy.kz
«Meniń Jarlyǵymmen elimizdiń eń joǵary ataǵy asa qurmetti kompozıtor, jazýshy, ónertanýshy Ilá Jaqanovqa beriledi. Ilá Jaqanov - qazaq mádenıetiniń tuǵyrly tulǵasy. Onyń áýezdi ánderi, ádebı týyndylary jáne zerdeli zertteýleri - ult rýhanıatyna qosylǵan qundy qazyna. Ol halqymyzdyń rýhanı baılyǵyn eselep, ulttyq mýzyka ónerin damytýǵa ólsheýsiz úles qosqany úshin Qazaqstannyń Eńbek Eri atandy», - dedi Qasym-Jomart Toqaev.