Naýryz meıramynda elge eńbegi sińgen azamatttarǵa memlekettik nagrada tapsyrý ıgi dástúrge aınalady. Bul týraly búgin elimizdiń birqatar azamatyn memlekettik nagradamen marapattaý rásiminde QR Prezıdenti Qasym-Jomart Toqaev aıtty, dep habarlaıdy almaty-akshamy.kz
«El ishinde beıbit kúnde eńbegimen, qıyn sátte erligimen kózge túsken jandar az emes. Keshegi dúrbeleń kezinde qanshama azamatymyz jurtty sabyrǵa shaqyryp, salıqaly sóz aıtty. Olar óz basyn qaterge tigip, aınalysyndaǵy adamdarǵa kómektesti. Jaýapty sátte jurtyna qorǵan bolyp, eldiktiń naǵyz úlgisin kórsetti», - dedi Qasym-Jomart Toqaev.
QR Prezıdentiniń paıymynsha, osyndaı otanshyl tulǵalarymyz jas urpaqqa ónege.
«Halqymyz «Er eńbegimen qadirli» degendi beker aıtpaǵan. Elge eńbegi sińgen jandarǵa Ulystyń uly kúninde qurmet kórsetýdiń zor sımvoldyq máni bar. Men Naýryz merekesi qarsańynda bir top azamatqa memlekettik nagrada tapsyrý jóninde sheshim qabyldadym. Bul is-sharany osy meıramǵa oraı ótkizýdi ıgi dástúrge aınaldyramyz», - dedi Memleket basshysy.