Úkimet tıisti qaýlyny qabyldady.
«GPC Investment» JSHS kompanıasy respýblıkalyq menshikke beriledi. Qazaqstan Úkimeti tıisti qaýlyny qabyldady, dep habarlaıdy Almaty-akshamy.kz Inbusinnes.kz silteme jasap.
«GPC Investment» JSHS jarǵylyq kapıtalyna qatysý úlesteriniń 100 paıyzyn syıǵa tartý sharty boıynsha respýblıkalyq menshikke berý týraly «Tau Bereke Group» JSHS-nyń usynysy qabyldansyn», – delingen qaýly mátininde.
Aıta ketý kerek, «GPC Investment» kompanıasy – «Qashaǵan ken orny shıkizatynyń bazasynda qýaty 1,15 mlrd m3 gaz óńdeý zaýytyn salý» jobasynyń operatory.
Jeke ınvestordyń jobany iske asyrýdy jalǵastyrýdan bas tartýyna baılanysty «GPC Investment» kompanıasy «QazaqGaz» UK» AQ balansyna beriledi.
Óz kezeginde, bul ishki naryqty baǵasy qoljetimdi taýarlyq jáne suıytylǵan gazben qamtamasyz etýdi arttyrýǵa, sondaı-aq zaýyt qurylysynyń jobasyn ýaqytyly júzege asyrýǵa múmkindik beredi.