2021 jylǵy 15 qarashadan bastap Qazaqstanda 7 avtojolda aqyly júıe iske qosylady, dep habarlaıdy Almaty-akshamy.kz
«7 jańa aqyly ýchaskeni paıdalanýǵa engizý týraly buıryq jobalaryna qol qoıyldy jáne Ádilet mınıstrliginde tirkelýde. Birinshi tehnıkalyq sanattaǵy ýchaskelerdegi aqyly júıeni 2021 jylǵy 15 qarashadan bastap engizý josparlanýda. Bul rette osy ýchaskeler bıyǵy 1 qazannan testilik paıdalanýǵa berilgen bolatyn», - delingen kompanıa aqparatynda.
Málim etilgendeı: kelesi trassalarda aqyly júıe iske qosylady: - Nur-Sultan – Pavlodar; - Shymkent – Ózbekstan shekarasy (Tashkentke); - Shýchınsk - Kókshetaý; - Qapshaǵaı – Taldyqorǵan; - Shymkent – Taraz; - Taraz – Qaınar; - Shymkent – Qyzylorda. QR Indýstrıa jáne ınfraqurylymdyq damý mınıstrligimen birlesip atalǵan trassalarda aqy alýdyń «ashyq» júıesin engizý sheshimi qabyldanǵan.
«Bul júıe aqyly ýchaskelerde shlagbaýmdardyń múlde bolmaýymen erekshelenedi. Avtomobılderdiń ótýi arnaıy kameralar men jabdyqtardyń kómegimen baqylaý arkalaryna bekitiletin bolady. «Ashyq« júıeniń basty artyqshylyǵy joldarda keptelis/kezektń bolmaýyna baılanysty avtomobılderdiń jyldamdyq rejımin saqtaýy bolyp tabylady (shlagbaým júıesimen salystyrǵanda)», - dedi «QazAvtoJoldan».
Avtokóliktiń memlekettik nómirine shotty toltyrýdyń 20-dan astam nusqasy qarastyrylǵan:
- QAJ mobile (mobıldi qosymsha);
- Kaspi.kz;
- Kiwi-ámıan;
- Forte Bank jáne t.b.
Aıta keteıik, 2013 jyldan bastap I sanattaǵy aqyly ýchaskeler boıynsha jol júrý aqysy ózgergen joq (Nur-Sultan - Shýchınsk birinshi aqyly ýchaskesi engizilgen sátten bastap) jáne ózgerissiz kúıinde qala beredi.
«Budan basqa, qazirgi ýaqytta «QazjolǴZI« AQ qoldanystaǵy tarıfterden edáýir tómen bolatyn II jáne III sanattaǵy joldar úshin tarıfti aıqyndaý ádistemesin ázirledi. Bul normatıvtik qujat «Atameken« UKP men quzyrly qaýymdastyqtardyń kelisýinde», - dedi kompanıadan.