82 bas qyrylyp qalǵan.
Qaraǵandy oblysynyń veterınarıa basqarmasynyń málimetinshe, Qaraǵandy oblysynda 260 iri qara mal belgisiz aýrýǵa shaldyǵyp, 82 bas qyrylyp qalǵan, dep habarlady Almaty-akshamy.kz Turkystan.kz silteme jasap.
«3-10 maýsym aralyǵynda Qaraǵandy oblysy, Shet aýdany, Aqshoqy aýyldyq okrýginde iri qara mal (İQM) arasynda ınfeksıalyq sıpattaǵy aýrý belgileri baıqaldy. Barlyǵy 260 bas aýyryp, 82 bas ólgen (9 bas sıyr, 11 bas qunajyn jáne 62 bas eki-úsh aılyq buzaý). Máıitter ınsıneratormen órteý arqyly joıyldy. Joıý jumystary aýyldyq okrýgke tıesili eski mal qorymy aýmaǵynda múddeli memlekettik organdardyń, aýdandyq veterınarıalyq stansıa mamandarynyń qatysýymen júrgizildi», - dep habarlady vedomstvo.
Sheneýnikterdiń aıtýynsha, veterınarlyq mamandar aýrý malǵa sımptomatıkalyq em júrgizip jatyr.