Bul týraly Ortalyq komýnıkasıalar qyzmetinde ótken baspasóz máslıhatynda Ulttyq ekonomıka mınıstri Álibek Qýantyrov aıtty.
Sonymen, Abaı oblysynyń júrgizýshileri – 18, Jetisý óńiri – 19, Ulytaý óńiri - 20 sandy aımaqtyń nómirlerimen júrýi múmkin, dep habarlaıdy Almaty-akshamy.kz.
8 maýsymda Abaı, Jetisý jáne Ulytaý oblystaryn qurý týraly qaýly kúshine endi. Semeı – Abaı óńiriniń ortalyǵy, Taldyqorǵan – Jetisý oblysynyń ortalyǵy, Jezqazǵan – Ulytaý oblysynyń ortalyǵy boldy.
Álibek Qýantyrov avtokólikterge sıfrlyq kodtardy berý boıynsha sońǵy sheshimdi İshki ister mınıstrligi qabyldaıtynyn atap ótti.
«Bul 18, 19, 20 degen sandar bolýy múmkin», – dedi mınıstr.
Elimizdegi kólik nómirleriniń ındeksteri tómendegideı:
Nur-Sultan – 01, Almaty – 02, Aqmola oblysy – 03, Aqtóbe oblysy – 04, Almaty oblysy – 05, Atyraý oblysy – 06, Batys Qazaqstan oblysy – 07, Jambyl oblysy – 08, Qaraǵandy oblysy – 09, Qostanaı oblysy – 10, Qyzylorda oblysy – 11, Mańǵystaý oblysy – 12, Túrkistan oblysy – 13, Pavlodar oblysy – 14, Soltústik Qazaqstan oblysy – 15, Shyǵys Qazaqstan oblysy – 16, Shymkent – 17.