Álemde munaı baǵasy kóterilip jatyr, dep habarlaıdy Almaty-akshamy.kz. Ulysmedia.kz-ke silteme jasap.
Nú-Iork taýar bırjasynyń (NYMEX) elektrondyq saýda-sattyǵynda WTI markaly qara altynnyń maýsym aıyndaǵy fúchersteriniń baǵasy barreline 0,63 dollarǵa deıin ósip (0,92%), 69,19 dollardy qurady. Aldyńǵy sesıanyń qorytyndysy boıynsha kelisimsharttardyń quny barreline 0,04 dollarǵa azaıyp (0,1%), 68,56 dollardy qurady.
Jýyrda Eýropalyq ortalyq bank úsh negizgi paıyzdyq mólsherlemeni 25 bazıstik tarmaqqa kóterdi. Oǵan sáıkes nesıeler boıynsha bazalyq paıyzdyq mólsherleme 3,75%-dy, depozıtter boıynsha – 3,25%, marjınaldyq nesıeler 4 paıyzdy qurady.
Sársenbi kúni AQSH-tyń Federaldy rezervtik júıesi de negizgi paıyzdyq mólsherlemeni 25 bazıstik tarmaqqa kóterdi.
Budan bólek, Saýd Arabıasy maýsym aıynda Eýropa elderine jetkiziletin munaı baǵasyn kóteretini belgili boldy. Bul rette azıalyq satyp alýshylar úshin janarmaı baǵasy arzandaıdy. Saudi Aramco memlekettik kompanıasynyń habarlaýynsha, kelesi aıda AQSH-qa jetkiziletin munaı baǵasy ózgerissiz qalady. Óz kezeginde Arab Light markasy barreline 0,5 dollarǵa arzandaıdy.