13 óńirde aýa raıyna baılanysty eskertý jarıalandy
«Qazgıdromet» RMK 9 aqpan kúni aýa raıynyń buzylýyna baılanysty birneshe óńirde eskertý jarıalady, dep habarlaıdy almaty-akshamy.kz
Qostanaı oblysynyń soltústiginde jáne shyǵysynda tuman kútiledi. Túnde oblystyń shyǵysynda jaıaý burqasyn bolady. Ońtústik-shyǵystan jel soǵady, túnde shyǵysta ekpini 15-20 m/s artady.
Aqmola oblysynyń soltústiginde, shyǵysynda tuman boljanady.
Nur-Sultan qalasynda keı ýaqytta tuman kútiledi.
Qyzylorda oblysynyń soltústiginde jáne ortalyǵynda tuman bolady.
Kúndiz Batys Qazaqstan oblysynyń ońtústik-batysynda, batysynda jaıaý burqasyn, kóktaıǵaq boljanady. Oblystyń soltústiginde, shyǵysynda, ortalyǵynda tuman kútiledi. Jel ońtústik-shyǵystan soǵady, kúndiz batys, soltústik-batys, ońtústik aýmaqtarda jeldiń kúshi 15-20 m/s artady.
Aqtóbe oblysynyń soltústiginde jáne ońtústik-shyǵysynda tuman kútiledi.
Almaty oblysynda: İle Alataýy, Jetisý Alataýy, Qyrǵyz Alataýynda keı ýaqytta tuman, kóktaıǵaq bolady. Talas Alataýynda túnde jáne tańerteń tuman boljanady. Batys Altaıynda keı jerlerde qar, jaıaý burqasyn kútiledi.
Almaty qalasynda keı ýaqytta tuman, kóktaıǵaq bolady.
Túrkistan oblysynyń ońtústiginde, batysynda, taýly jáne taý bókterli aýdandarda tuman kútiledi.
Shymkent qalasynda túnde jáne tańerteń tuman bolady.
Pavlodar oblysynyń batysynda, soltústiginde tuman kútiledi.
Jambyl oblysynyń soltústik-shyǵysynda, ońtústik-batysynda, taýly aýdandarynda tuman, kóktaıǵaq boljanady. Soltústik-shyǵystan jel soǵady, oblystyń soltústik-shyǵysynda jáne taýly aýdandarynda jeldiń ekpini 15-20 m/s artady.
Qaraǵandy oblysynyń soltústiginde, shyǵysynda tuman bolady.