Tanymal fýtbolshy Krıshtıaný Ronaldý "Ál-SHabab" komandasy qaqpasyna soqqan golyna ózgeshe áreket jasady.
Fýtbol súıer qaýym, ásirese, Ronaldýdyń jankúıerleri onyń gol soqqannan keıin júgirip kelip "Si-i-i-u-u-u!" dep aıqaılap keri burylatyn ádeti baryn jaqsy biledi. Bul joly ataqty aıaqdop sheberi kezekti golynan keıin basyn sájdege qoıdy, dep habarlaıdy Almaty-akshamy.kz.
Astanatv.kz-tiń habarlaýynsha, oıynda "Ál-Nasr" komandasy 0:2 esebimen jeńilip turyp, kambek jasady. 59-mınýtta Ronaldý soqqan gol komandasyna jeńis syılady. Portýgaldyq fýtbolshynyń alystan qıa tepken dobyn qonaqtar qaqpashysy qaıtara alǵan joq.
Ronaldýdyń gol soqqannan keıingi erekshe toılaýy jankúıerlerdi rasymen tańǵaldyrdy. Sájdeni musylmandar namaz oqyǵanda, quran baǵyshtap, Allaǵa qulshylyq etkende jasaıdy. Al fýtbolshynyń bul jasaǵany ózi turyp jatqan eldiń (Saýd Arabıasy) mádenıeti men musylman jurtshylyǵyna qurmeti ispetti.
Aıta keteıik, osyǵan deıin Krıshtıaný Ronaldý "Ál Nasr" komandasymen kelisimshartyn buzyp, Eýropa klýbtarynyń birine aýysqysy keletini jaıly aqparat taraǵan bolatyn.