Qańtar oqıǵasynda 1,5 myńnan astam memlekettik jáne komersıalyq ǵımaratqa zalal keltirildi – Bas prokýratýra
Bul týraly Parlament Májilisiniń jalpy otyrysynda QR Bas prokýrory Berik Asylov málim etti, dep habarlaıdy almaty-akshamy.kz
"5 qańtar kúni Almatyda shabýyl jasaǵandar órt sóndirý kóligimen jáne júk avtokóligimen Prezıdent Rezıdensıasynyń dýalyn buzyp kirgen. Olardyń barlyǵy qarýlanǵan. Osy qalada Baıtursynov pen Tóle bı kóshesiniń buryshynda basyp alǵan benzovozben aldymen polısıanyń arnaıy kóligin qaǵyp ótip, keıin ony polısıanyń qorshaýyna qaraı baǵyttaǵan. Qyzylordada KamAZ kóligin artyp alyp, júk kóligimen Ulttyq ulannyń áskerı qyzmetshilerine qaraı baǵyttady. Olardyń biri oqıǵa ornynda kóz jumdy", - dedi B. Asylov.
"1,5 myńnan astam memlekettik jáne komersıalyq ǵımaratqa zaqym keltirildi. 765 avtokólik órtengen, olardyń arasynda órt sóndirý men jedel járdem, polısıanyń ári azamattyq kólikter bar. Azamattar men bızneske, memleketke mıllıardtaǵan shyǵyn keltirildi», - dedi ol.