«Áli naqty aqparat joq». Ismagýlov UFC-degi kelesi qarsylasy týraly pikir bildirdi
UFC faıteri Damır Ismagýlov kelesi qarsylasy týraly jańalyqqa pikir bildirdi, dep habarlaıdy Almaty-akshamy.kz Rrosports.kz-ke silteme jasap
«Kelesi jekpe-jegime qatysty jaǵdaıdy túsindirgim keledi. Ǵalamtorda, áleýmettik jelilerde bul týraly aqparat qapta júr. Kelesi qarsylasym Nasrat Hakparast jaıly aıtatyn bolsaq. Iá, biz onymen jekpe-jek ótkizýge daıyn ekenimizdi málimdegen edik. Biraq sheshimdi UFC men qarsylastyń ózi qabyldaıdy. Eshqandaı naqty aqparat joq. Biz habar kútip júrmiz. Eger rastalsa, kezdesý bolady. Naqtyraq aıtsaq, eshteńege qol qoıylmady, eshteńe bekitilmedi», - dedi Ismaǵulov Instagram jelisindegi Stories bóliminde.
Aıta keteıik, buǵan deıin BAQ-ta jeńil salmaqta óner kórsetetin orynborlyq etnıkalyq qazaq Damır Ismagýlov (23-1) UFC-degi kelesi jekpe-jegin 19 aqpanda Las-Vegasta (Nevada, UFC Apex) ótkizedi degen aqpara shyqty.
UFC Fight Night týrnıri aıasynda onyń qarsylasy aýǵanstandyq Nasrat Hakparast (13-4) bolýy múmkin ekeni aıtyldy.