Otandyq ǵalymdardyń izdenisiniń jemisi
Almatynyń Alma mýzeıine kelýshiler jemistiń shyǵý tarıhymen tanysyp, almanyń jańa suryptarynyń dámin tata alady, dep habarlaıdy Almaty-akshamy.kz 24 kz-ke silteme jasap.
Alma mýzeıinde osy mezgilde pisip jetiletin almanyń jańa 4 surpy: Kamıla, Zaman, Danalyq jáne Maqsat degen túrleri bar. Maqsat surpy tamyzdyń sońynda pisedi, bul almanyń surpy seleksıalyq jetistik retinde Qazaqstannyń memlekettik reestrine engen.
Bir qyzyǵy, mýzeıge kelýshiler almanyń túrinen dám tatyp, ony baǵalaı alady. Mýzeı Qazaq baý-baqsha sharýashylyǵy ǵylymı-zertteý ınstıtýty jáne Sıvers alma aǵashtaryn saqtaý halyqaralyq qorymen yntymaqtastyq negizde qurylǵan. Mýzeı qory alma túrleriniń pisip jetilýine qaraı tolyqtyrylyp otyrady.
«Mýzeıge kelýshilerdiń árqaısysynyń pikiri biz úshin mańyzdy. Almanyń jańa suryptarynyń dámin tatý – ǵylymı zertteýdi baǵalaýdyń bir joly. Zertteýler nátıjesinde aralas tuqymnyń birinshi kezekte sýyqqa tózimdiligi, tyǵyzdyǵy, pishini men túsine saraptama jasalady», - dedi Alma mýzeıiniń menedjeri Aqmaral Asylbekova.
Otandyq ǵalymdar almanyń genetıkalyq qoryn saqtaı otyryp, 100-den asa surypty jasap shyǵarypty. Kópshiligi synaqtan sátti ótip, sharýashylyqta ósirilýde. Al 10-nan astam jańa suryp qazir pomologıalyq baqta egilgen. Suryp jasaýda jemistiń dámi, túri, shydamdylyǵy negizge alynady deıdi ǵalymdar.
«Bizdiń seleksıonerlerimiz jyldar boıy eńbektenip, birneshe surypty shyǵardy. Bul suryptar qazir kópke tanys Almatylyq Sınap, Saltanat, Mereıtoılyq almalary. Olar fermerlik sharýashylyqtarda ósirilýde. Barlyq surypta aporttyń býdany bar. Sondyqtan dámi de til úıiredi. Sondaı-aq Túlpan, Vosqod suryptary da sátti shyqty», - Qazaq jemis sharýashylyǵy ǴZI qyzmetkeri .
Keıbir suryptar ónimdiligi, tózimdiligi jaǵynan tipti aporttan asyp túsedi. Bul - fermerlik sharýashylyq ókilderiniń bergen baǵasy. Máselen, Maqsat surpy gektaryna 290 sentner ónim beredi. Eýropalyq Prıma surpy aralasqan almanyń bul túri qurt túsýge tózimdi deıdi ǵalymdar.