3 qarasha kúni saǵat 19.00-de Almaty qalasynyń soltústik bóliginen qar jaýa bastady. 4 qarasha kúni saǵat 08.00-degi jaǵdaı boıynsha qalada 8 sm, taý bókterindegi aýdandarda - 10 sm, taýly aýdandarda - 15 sm qar jaýdy.
Qar jaýa bastaǵannan beri 185 qum shashqyshtyń kúshimen joldarǵa kóktaıǵaqqa qarsy materıaldar sebilýde. 4200 tonna kóktaıǵaqqa qarsy materıaldar paıdalanyldy.
Qar tazalaý, trotýarlardy, jaıaý júrginshiler aımaqtaryn, qoǵamdyq kólik aıaldamalaryn, «qaltalardy»tazalaý jumystary júrgizilýde.
Túngi saǵat 03.30-dan bastap qar kúreý kolonnalary uıymdastyryldy.
Qar jınaýǵa 517 birlik arnaıy tehnıka, onyń ishinde 173 qum shashqysh, 165 sypyrýshy-jınaý tehnıkasy, 52 qar qursaýlaýshy, 49 samosval, 9 avtogreıder jáne 1400 jol jumysshylary jumyldyryldy.
Taýly jáne taý bókterindegi aýdandarda qar shyǵarý jumystary júrgizilýde. Qala aýmaǵynan jappaı qar shyǵarý tańerteńgi qarbalas shaqtan keıin qolǵa alynady.
Aýdandyq ákimdikterde qar tazalaý jumystarynyń óndirisin baqylaý jóninde táýlik boıy kezekshilik uıymdastyryldy.
Aýdandyq ákimdikterde qar tazalaý jumystarynyń óndirisin baqylaý boıynsha táýlik boıy kezekshilik uıymdastyryldy.
Qazgıdromettiń boljamy boıynsha, búgin kúndiz qar jaýady. Túnde aýa temperatýrasy mınýs 13 gradýsqa deıin tómendedi, búgin kúndiz 6 gradýsqa deıin aıaz kútiledi.
Almaty qalasynyń Turǵyn úı saıasaty basqarmasy