Búginde medısınalyq uıymdarda, mektepterde, mádenı jáne sporttyq mekemelerde, bazarlarda jáne qalanyń SOSO-da 212 vaksınalaý pýnkti jumys isteıdi. Bularǵa 1260 adamnan turatyn 308 ekpe brıgadasy jumyldyrylǵan.
Baqytjan Saǵyntaev KVI jónindegi sanıtarlyq-epıdemıologıalyq ahýal jáne vaksınalaný qarqyny týraly málimdedi, dep habarlaıdy Almaty-akshamy.kz.
Qalada 16 maýsymdaǵy jaǵdaı boıynsha, koronavırýstyq ınfeksıanyń 71 820 jaǵdaıy tirkeldi, onyń 55 707-i sımptomdy jáne 16 113-i sımptomsyz, 1889 jaǵdaı — anyqtalmaǵan pnevmonıa. 2021 jylǵy 15 maýsymda koronavırýstyq ınfeksıanyń 112 jaǵdaıy tirkeldi, onyń ishinde 95 jaǵdaı sımptomdy jáne 17 jaǵdaı sımptom, 12-i anyqtalmaǵan pnevmonıa. Táýliktik ósim — 0,1%. Reprodýktıvti sany — 0,777.
Infeksıalyq stasıonarlarda 706 adam, onyń ishinde 26 bala jatyr. Olardyń 26-synyń jaǵdaıy óte aýyr, 196-sy aýyr halde, 484-i ortasha aýyrlyq dárejesinde.
Búginde úıdegi 923 pasıent MSAK mobıldi brıgadalardyń jáne Telemedısına ortalyǵynyń baqylaýynda, onyń ishinde 196-y sımptomsyz, 712-si jeńil jáne 15-i ortasha aýyrlyq dárejesinde.
«Almaty» telearnasyndaǵy Akimat LIVE baǵdarlamasynyń tikeleı efıri barysynda Baqytjan Saǵyntaev qalanyń KVI boıynsha «jasyl» aımaqqa ótýine karantındik shekteý sharalary men qalalyqtardyń jappaı vaksınalanýynyń oń áser etkenin atap ótti.
16 maýsymdaǵy jaǵdaı boıynsha, 351 497 adam vaksına aldy, onyń ishinde 5168 polısıa qyzmetkeri, 25 427 pedagog, 30 630 dáriger. Jalpy, vaksına alǵandardyń ishinde 39 026-sy 60 jastan (11,1%) asqan adamdar. Búginde 235 107 adamǵa eki komponentten vaksına egildi.
Búginde medısınalyq uıymdarda, mektepterde, mádenı jáne sporttyq mekemelerde, bazarlarda jáne qalanyń SOSO-da 212 vaksınalaý pýnkti jumys isteıdi. Bularǵa 1260 adamnan turatyn 308 ekpe brıgadasy jumyldyrylǵan.