QR Sybaılas jemqorlyqqa qarsy is-qımyl agenttigi Qaırat Satybaldyulyna qatysty búdjetke tólenetin basqa da mindetti tólemderden jaltarý, sondaı-aq qylmystyq jolmen alynǵan aqshany jáne ózge de múlikti zańdastyrý (jylystatý) faktileri boıynsha sotqa deıingi tergeýdi jalǵastyryp jatyr, dep habarlaıdy Almaty-akshamy.kz Inform.kz-ke silteme jasap.
«Tergeý barysynda Q. Satybaldyulynyń asa senimdi adamy – Qazaqstan azamaty Efendı Kemal, 1983 jyly týǵan, birqatar komersıalyq kásiporyndardyń quryltaıshysy jáne dırektory anyqtaldy.
Efendıdiń qylmystyq róli keden salasyndaǵy máselelerdi sheshý, qylmystyq jolmen alynǵan aqshany jáne basqa da múlikti zańdastyrý (jylystatý) boldy.
Ol úshin oǵan Q. Satybaldyuly shottan aqsha alýǵa senimhat bergen. Mysaly, Efendıdiń bir epızody boıynsha ǵana 2018 jyldyń shildesi men tamyz aıynyń 3 kún ishinde Q. Satybaldyulynyń jeke shotynan qolma-qol 37 mlrd teńge jáne 62 mln AQSH dollary alynǵan.
Aǵymdaǵy jyldyń aqpan aıynan bastap Efendı Qazaqstannan tys jerlerde jasyrynyp, qylmystyq qýdalaý organyna kelýden jaltaryp júr.
Onyń quqyqqa qarsy áreketteri QR Qylmystyq kodeksiniń 218-babynyń 3-bóligi 3-tarmaǵy boıynsha saralanyp, izdeý jarıalandy.
Sotqa deıingi tergeý jalǵasyp jatyr», - delingen resmı habarlamada.
Eske salsaq, Sybaılas jemqorlyqqa qarsy qyzmet laýazymdyq ókilettikterin asyra paıdalaný jáne «Qazaqtelekom» AQ-nyń qarajatyn asa iri kólemde urlaý faktileri boıynsha kúdikti Qaırat Satybaldyulyn ustap, ýaqytsha ustaý ızolátoryna qamady.
20 qyrkúıek kúni Astana qalasynda Qaırat Satybaldynyń isine qatysty sot otyrysy bastalatyny habarlandy.
Elordanyń Baıqońyr aýdandyq №2 sotynda ótip jatqan proses barysynda prokýror kúdikti Qaırat Satybaldyny alty jylǵa bas bostandyǵynan aıyrýdy surady.