Jalpy somasy 14 mln AQSH dollaryn qaıtardy
QR Sybaılas jemqorlyqqa qarsy is-qımyl agenttigi Qaırat Satybaldyulyna jáne basqa da adamdarǵa qatysty júrgizilip jatqan tergep-tekserý aıasynda elden zańsyz shyǵarylǵan aktıvterdi, onyń ishinde qylmystyq jolmen alynǵan aqsha qarajatyn jáne ózge de múlikti qaıtarý jóninde sharalar qabyldaýda, dep habarlaıdy Almaty-akshamy.kz.
Aǵymdaǵy jyldyń mamyr aıynyń sońyna qaraı Sybaılas jemqorlyqqa qarsy qyzmet shet memleketterdiń quqyq qorǵaý organdarymen halyqaralyq yntymaqtastyqty qamtamasyz etetin Bas prokýratýramen birlesip, Birikken Arab Ámirlikterinen jalpy somasy 14 mln AQSH dollaryn qaıtardy.
Atalǵan qarajat memleket kirisine aınaldyrylyp, áleýmettik maqsattarda paıdalanylatyn bolady.
Qylmystyq qýdalaý bastalǵannan beri memleketke zańsyz satyp alynǵan Q.Satybaldyuly jáne onymen baılanysty tulǵalardyń 464 mlrd teńgeden astam somaǵa múliktik aktıvteri men aqshalaı qarajattary qaıtaryldy.
Olarǵa ákimshilik ǵımarattar, eksklúzıvti zergerlik buıymdar, sándi kólikter, qolma-qol aqsha, aksıalar men kompanıalardyń úlesteri, sondaı-aq temirjol kiredi.
Zańsyz shyǵarylǵan aktıvterdi qaıtarý boıynsha jumys jalǵasýda.