21 qazanda Almatydaǵy Ortalyq stadıonda ÝEFA Chempıondar lıgasynyń jalpy kezeńi aıasynda "Qaırat" jáne "Pafos" (Kıpr) fýtbol klýbtarynyń machi ótedi.
Mach kúni stadıon mańyndaǵy kólik qozǵalysy aıtarlyqtaı shekteledi. Turǵyndar men jankúıerlerge qozǵalys baǵytyn aldyn ala josparlaýdy suraımyz.
Mach ýaqytynda Abaı dańǵylynda, sondaı-aq Baıtursynov, Sátbaev jáne Shevchenko kóshelerinde kólik qozǵalysy ýaqytsha shekteledi. Qoǵamdyq kólikti paıdalanýǵa jáne eriktiler men polısıa qyzmetkerleriniń nusqaýlyǵyna qulaq asýǵa keńes beriledi.
Jankúıerler úshin oıyn aıaqtalǵannan keıin 6 baǵyt boıynsha 60 qosymsha avtobýs qatynaıdy:
- Ortalyq stadıon – "Almaty Arena" (taqtaısha A1, jóneltý — Abaı dańǵyly, batys baǵyt);
- Ortalyq stadıon – Raıymbek / Alataý (taqtaısha A2, jóneltý — Abaı dańǵyly, batys baǵyt);
- Ortalyq stadıon – Almaty-1 temirjol vokzaly (taqtaısha A3, jóneltý — Baıtursynov kóshesi, soltústik baǵyt);
- Ortalyq stadıon – "Orbıta" shaǵynaýdany (taqtaısha A4, jóneltý — Baıtursynov kóshesi, ońtústik baǵyt);
- Ortalyq stadıon – "Juldyz" shaǵynaýdany (taqtaısha A5, jóneltý — Abaı dańǵyly, shyǵys baǵyt);
- Ortalyq stadıon – áýejaı (taqtaısha A6, jóneltý — Abaı dańǵyly, shyǵys baǵyt).
Jankúıerlerge mach bastalmas buryn stadıonǵa erterek kelip, bılette kórsetilgen kireberister arqyly kirý jáne qoǵamdyq tártipti saqtaý usynylady. Bul sharalar kezekterdiń aldyn alyp, barsha kórermen úshin jaıly jaǵdaı týǵyzýǵa múmkindik beredi.
Qaýipsizdikti qamtamasyz etý úshin stadıon aýmaǵynda eki jedel járdem brıgadasy kezekshilik etedi.
Almaty qalasynyń Sport basqarmasy jankúıerlerdi sabyr saqtaýǵa, bir-birine qurmetpen qaraýǵa jáne súıikti komandany mádenıetti túrde qoldaýǵa shaqyrady.