Qazaqstandyqtar qarbyz, mandarın, apelsın, órik, shabdaly, shıeni jıi tutynady.
Qazaqstandyqtar jemis satyp alýǵa shamamen 40 myń teńge jumsaıdy, dep habarlaıdy aqshamnews.kz Energyprom.kz-ke silteme jasap.
Bıyl ekinshi toqsanda Qazaqstanda jan basyna shaqqanda ortasha eseppen jemisti tutyný kórsetkishi 16,5 keli boldy. Bul 2023 jyldyń sáıkes kezeńimen salystyrǵanda 5,3%-ǵa artyq.
Jemisti eń kóp tutynatyn óńirlerdiń kóshbasynda Almaty qalasy tur: jan basyna shaqqanda 20,5 keli, jyldyq ósim — 13,9%. Úzdik úshtikke Mańǵystaý oblysy (20,3 keli, mınýs 5,2%) jáne Astana (20,2 keli, plús 7,4%) kirdi.
Abaı jáne Atyraý oblystarynyń jáne Shymkent qalasynyń turǵyndary jemisti az tutynady.
Elimizdegi eń tanymal jemis – alma. 2024 jyldyń ekinshi toqsanynda jan basyna shaqqanda orta eseppen 4,2 keli. Ekinshi jáne úshinshi oryndarda banan men qulpynaı tur: jan basyna shaqqanda 1,7 keli jáne 832 g.
Sondaı-aq qazaqstandyqtar qarbyz, mandarın, apelsın, órik, shabdaly, shıeni jıi tutynady.
Bıyl ekinshi toqsanda elimizdegi árbir úı sharýashylyǵy jemis satyp alýǵa ortasha esepen 39,7 myń teńge jumsaǵan. Ótken jylǵy kórsetkish – 39,7 myń teńge, shyǵynnyń jyldyq ósimi – 13,1%.
Jemisterdi tutyný boıynsha Almaty, Mańǵystaý oblysy jáne Astana kóshbasshy bolǵanyna qaramastan, shyǵyn kórsetkishi ózgeshe.
Mańǵystaý oblysynyń turǵyndary jemis satyp alýǵa kóp aqsha jumsaǵan – 61,6 myń teńge. Bul ótken jyldyń ekinshi toqsanymen salystyrǵanda 5,7%-ǵa kóp;
Tutyný boıynsha kóshbasshylar qataryna kirmeıtin Ulytaý oblysy – 50 myń teńge, plús 6,9%;
Almatyda – 47,1 myń teńge, plús 30,3%;
Jemis satyp alýǵa az aqsha jumsaǵan óńirler tómendegideı:
Qostanaı oblysy – 26,9 myń teńge;
Soltústik Qazaqstan oblysy – 29,3 myń teńge;
Abaı oblysy – 31,6 myń teńge.