Buǵan deıin jazǵanymyzdaı Májilis depýtaty Erlan Saırov kýágerlerdiń ROP operatorynyń sońǵy benefısıary retinde Álıa Nazarbaevany kórsetkenin aıtqan. Biraq Bas prokýratýra bul týraly eshteńe bilmeıdi jáne ótinishter túspegenin aıtty, dep habarlaıdy almaty-akshamy.kz.
Bul týraly Májilis otyrysynda Qazaqstan Respýblıkasy Bas prokýrorynyń orynbasary Áset Shyndalıev málim etti.
«Men ótinishti kórgen joqpyn, eger qylmys quramy bolsa, qandaı da bir aqparat bolsa, qylmystyq jaýapkershilikke tartý týraly sheshimdi tıisti organ shyǵarýy kerek dep oılaımyn. Bizde mundaı organdar bar: İshki ister mınıstrligi, Ekonomıkalyq tergeý qyzmeti, Antıkor. Eger dálelder bolsa, olar sheshim qabyldaýy tıis. Mende ázirge ondaı aqparat joq», - dedi Shyndalıev.
Bas prokýrordyń orynbasary Áset Shyndalıev te Álıa Nazarbaevanyń qaıda ekenin bilmeıdi.
Eske sala ketsek, Astana qalalyq sotynyń qylmystyq ister jónindegi apelásıalyq sot alqasy «Operator ROP» JSHS-niń burynǵy basshylyǵy men burynǵy ekologıa vıse-mınıstri Ahmetjan Pirimqulovqa qatysty úkimdi ózgerissiz qaldyrdy.