Memleket basshysy «TotalEnergies» konserni prezıdentiniń aǵa keńesshisi Arno Breııakpen jáne «TotalEnergies» barlaý jáne óndirý» kompanıasynyń prezıdenti Nıkolá Terrazben kezdesý ótkizdi, dep habarlaıdy almaty-akshamy.kz
Prezıdent fransýz kásipkerlerine iltıpat bildire otyryp, Nıkolá Terrazdy «TotalEnergies» barlaý jáne óndirý» kompanıasynyń basshysy qyzmetine jańadan taǵaıyndalýymen quttyqtady.
Kezdesý barysynda «TotalEnergies» kompanıasynyń qatysýymen jańartylatyn qýat kózderi salasyndaǵy jobalardy júzege asyrý máselelerine nazar aýdaryldy. Qasym-Jomart Toqaev Qyzylorda jáne Jambyl oblystaryndaǵy eki kún elektr stansıasy qurylystarynyń aıaqtalyp, paıdalanýǵa berilgenin atap ótti.
Arno Breııak Memleket basshysyna qýaty 1 GVt bolatyn jel energetıkasy kesheniniń qurylysy týraly memorandýmǵa qol qoıylǵany týraly, sondaı-aq konserndi Qazaqstanda jáne álemde odan ári damytýdyń perspektıvalary jóninde aıtty.
Sonymen qatar kezdesýde Qashaǵan jáne Dunǵa ken oryndaryndaǵy munaı óndirý kólemin arttyrý máselesi kóterildi.