Bıyl Memleket basshysynyń syrtqy jáne ishki saıasat baǵytyndaǵy qyzmeti óte qaýyrt ári jemisti ótti. Bul týraly Qazaqstan Respýblıkasy Prezıdentiniń keńesshisi – Baspasóz hatshysy Rýslan Jeldibaı málimdedi.
2025 jyl eleýli saıası jáne áleýmettik-ekonomıkalyq jańǵyrýlarǵa toly boldy. Eń bastysy, halyqtyń turmys-tirshiliginde oń ózgerister oryn aldy. Jańa óndiris oryndary ashylyp, qamba astyqqa toldy. Turǵyn úıler, mektepter men aýrýhanalar salynyp, kólik joldary jańartyldy, - deıdi Rýslan Jeldibaı.
Onyń aıtýynsha, bıyl Qasym-Jomart Toqaev elimizdiń 9 óńirine jumys saparymen baryp, 50-den astam óndiristik, ǵylymı, áleýmettik-mádenı nysandy aralap kórdi.
Sondaı-aq Prezıdent 16 oblys jáne respýblıkalyq mańyzy bar qala ákimderiniń esebin tyńdady.