Prezıdent Qasym-Jomart Toqaev «Ádiletti Qazaqstan: bárimiz jáne árqaısymyz úshin. Qazir jáne árdaıym» saılaýaldy baǵdarlamasyn iske asyrý jónindegi sharalar týraly qaýlyǵa qol qoıdy, dep habarlaıdy Almaty-akshamy.kz Inform.kz-ke silteme jasap.
«Qazaqstandyq qoǵam men memleketti odan ári jańǵyrtýǵa baǵyttalǵan reformalardy tıimdi iske asyrýdy jalǵastyrý maqsatynda Qaýly etemin:
1. Qosa berilip otyrǵan Qazaqstan Respýblıkasy Prezıdentiniń «Ádiletti Qazaqstan: bárimiz jáne árqaısymyz úshin. Qazir jáne árdaıym» saılaýaldy baǵdarlamasyn iske asyrý jónindegi is-qımyl jospary bekitilsin.
2. Osy Jarlyqtyń oryndalýyn baqylaý Qazaqstan Respýblıkasy Prezıdentiniń Ákimshiligine júktelsin.
3. Osy Jarlyq qol qoıylǵan kúninen bastap qoldanysqa engiziledi.
Qazaqstan Respýblıkasynyń Prezıdenti Q.Toqaev
Astana, Aqorda, 2022 jylǵy 26 qarasha, № 2», - dep jazylǵan Aqordanyń resmı saıtynda.