Medısınalyq saqtandyrý qorynyń óńirlik fılıaldary qyzmetine tekserý júrgizý qajet. Bul týraly elimizdiń áleýmettik-ekonomıkalyq damýy jónindegi keńeste Memleket basshysy Qasym-Jomart Toqaev aıtty, dep habarlaıdy Almaty-akshamy.kz QazAqparatqa silteme jasap.
«Ótken jyldyń sońynda el stasıonarlary qarajattyń qatty tapshylyǵyn bastan keshirdi. Bul qarajattyń shynymen de mańyzdy baǵyttarǵa baǵyttalmaǵanyn bildiredi. Úkimetke óńir ákimderimen birge Medısınalyq saqtandyrý qorynyń óńirlik fılıaldarynyń qyzmetine tekserý júrgizýi qajet», – dedi Qasym-Jomart Toqaev.
Memleket basshysy dári-dármekpen qamtamasyz etý máselesinde de jemqorlyq táýekelderi saqtalyp otyrǵanyn basa aıtty.
«Buǵan josparlaýdyń tıimsiz júıesi sep bolyp otyr. Medısına uıymdary áli kúnge deıin qajetti dárilik zattardy «qolmen» qalyptastyrady. Medısınalyq tehnıka baǵasyn aıtarlyqtaı kótermeleý de jıi kezdesetin jaıt. Densaýlyq saqtaýdyń ıntegrasıalanǵan platformasyn iske qosý máselesi áli sheshilmegen. Jumys júrgizilip jatyr, Úkimettiń de jospary úlken. Biraq, tıimdi ári jedel júzege asyrý mańyzdy», – dedi Prezıdent.