Qasym-Jomart Toqaev Agenttik júrgizip jatqan monopolıaǵa qarsy tergeý jumystary týraly esepti tyńdady.
Memleket basshysy Qasym-Jomart Toqaev Básekelestikti qorǵaý jáne damytý agenttiginiń tóraǵasy Marat Omarovty qabyldady, dep habarlaıdy Almaty-akshamy.kz Aqordaǵa silteme jasap.
Qasym-Jomart Toqaev Agenttik júrgizip jatqan monopolıaǵa qarsy tergeý jumystary týraly esepti tyńdady. Jyl basynan beri básekelestikti qorǵaý zańnamasyn buzý belgileri bar 293 habarlama berilgen, onyń 78 paıyzy óz erkimen oryndaldy.
Marat Omarovtyń málimetinshe, Agenttik jumysyndaǵy strategıalyq baǵyttar – básekelestikti damytý jáne qorǵaý boıynsha tıimdi jumysty qamtamasyz etý, óndiristiń negizgi faktorlarynyń kásipkerlik sýbektilerine teńdeı qoljetimdi bolýyn qamtamasyz etý, jeke bastamany qoldaý jáne básekelestik alańyn favorıtızmnen tazartý.
Memleket basshysyna Joldaýda aıtylǵan, sonyń ishinde biryńǵaı operatorlardy qysqartý jáne konglomerattardyń qyzmetin retteý bóliginde berilgen tapsyrmalaryn júzege asyrý josparlary týraly baıandaldy. Agenttik memlekettik qoldaý sharalarynyń teńdeı qoljetimdi bolýyn qamtamasyz etýge, ekonomıkadaǵy jeke kásipkerliktiń úlesin arttyrýǵa, ekonomıkanyń negizgi salalarynda básekelestikti damytý jumysyna erekshe kóńil bóledi.