Úkimettiń resmı paraqshalary ashylmaı tur
QR Premer-mınıstri resmı saıtynyń jelidegi paraqshalaryna fıshıngtik shabýyl jasaldy. Bul týraly QR Premer-mınıstri baspasóz qyzmetiniń basshysy Zarına Nurlanova Facebook-tegi paraqshasynda jazdy dep habarlaıdy Almaty-akshamy.kz.
«Qurmetti Facebook qoldanýshylary! QR Premer-mınıstri resmı saıtynyń resmı paraqshalary @primeminister.kaz @primeminister.kz @PrimeMinister.int fıshıngtik shabýylǵa baılanysty ýaqytsha qoljetimsiz ekenin habarlaımyz. Qazirgi ýaqytta Facebook platformasymen akkaýnttardy qalpyna keltirý týraly kelissózder júrgizilip jatyr. Barlyq aqparatty PrimeMinister.kz saıtynnan jáne Twitter, Vk, Instagram jelilerindegi resmı akkaýnttarynan bile alasyzdar», - dep jazdy Zarına Nurlanova.