Shilińgir shildede shólbasar qarbyzdyń naýqany qyza túsedi.
Biraq, satyp alǵan qarbyzdyń bári birdeı til úıire bermeıdi, keıbiriniń túsi solǵyn, sondyqtan dámdisin tańdaı bilý kerek. Almaty-akshamy.kz qarbyz tańdaý jaıly paıdaly keńestermen bólisedi.
Eń aldymen qarbyzdyń «kindigine» qarańyz. Eger kindigi bir núkte ǵana bolsa, ol – atalyq qarbyz, munyń dámi onsha tátti emes. Al kerisinshe, qarbyzdyń «kindigi» úlkendeý bolsa, mundaı analyq qarbyzdy alǵanyńyzǵa ókinbeısiz.
Ekinshiden, úzilgen sabaǵyna mán berińiz. Sabaǵy qýrap ketken qarbyz tolyq pisken, al eger sabaǵy jasyldaý bolyp tursa, demek, onyń kúni áli jetpegen dege sóz.
Úshinshi mán beretin tus, ol qarbyzdyń jerge jatyp qalǵan sarǵyltym daǵy, sol daq neǵurlym úlken bolsa, qarbyzdyń piskenine soǵurlym kózińiz jete túsedi.
Sondaı-aq, qarbyzdy shertip kórińiz, sol kezde qatty dybys estilse, ony satyp alýǵa bolady, eger kerisinshe bolsa, almaı-aq qoıǵanyńyz durys.
Árıne, árkimniń qarbyz tańdaý tásili ártúrli, biz óz bilgenimizben bólistik, kádeńizge jarasyn!