Osyndaı taqyryppen Almaty oblysynyń TJD balalarmen jáne ata-analarmen túsindirme jumystaryn ótkizilip júr.
Sebebi shomylý maýsymyndaǵy ózekti máseleniń biri osy, dep habarlaıdy Almaty-akshamy.kz
Sý náresteler úshin ǵana emes, úlkenirek balalar, mektep oqýshylary úshin de qaýipti.
Barlyq balalar júzýdi, shomylýdy, sý shashýdy jáne jaı ǵana sýdyń janynda bolýdy jaqsy kóredi. Sondyqtan ata-ananyń balaǵa erekshe kóńil bólýi kerek. Rasynda da, jazda kóp ata-ana balalarymen, aýylda ýaqyt ótkizedi. Eger 100 metr radıýsta tipti kishkene sý bolsa, ata-ananyń mindeti - balany bir mınýtqa qaraýsyz qaldyrmaý.
«Ata-analardyń nazaryn aýa matrastaryn, avtokólik kameralaryn paıdalanýǵa erekshe aýdarǵymyz keledi. Eresekter arasynda pnevmatıkalyq matrastar, sheńberler jáne basqa da shomylý quraldary senimdi qorǵanys quraly degen qate pikir bar. Biraq bul olaı emes. Birinshiden, ónim ońaı búlinetindikten jáne oılamaǵan jerde jeli shyǵyp ketýi múmkin, ekinshiden, júzý ornynan sýǵa taıyp ketýi óte ońaı, eger bala júze almasa, ol sýǵa batyp ketýi múmkin. Júzý úshin oryndy muqıat jáne jaýapkershilikpen tańdańyz, jaǵasy bıik jerlerden aýlaq bolyńyz, sýdyń túbi taza bolýy kerek. Bala qanshalyqty jaqsy júzse de, onyń tereńdikte júzýine jol bermeńiz», deıdi TJD mamandary.
Almaty oblysynyń Tótenshe jaǵdaılar departamenti jazǵy demalys kezinde balalarmen jáne ata-analarmen sý aıdyndary men baseınderde profılaktıkalyq reıdtik is-sharalar ótkizip, sýdaǵy qaýipsizdik máseleleri boıynsha túsindirme jumystary ótkizýde. Sondaı-aq adamdardy qutqarý jáne alǵashqy medısınalyq kómek kórsetýdi úıretý jumystary júrgizildi.
«Qurmetti ata-analar! Jaz – demalýdyń, jaǵymdy emosıalardyń, jarqyn áserlerdiń tamasha ýaqyty. Biraq bul balalar úshin jaraqattanýdyń eń qáýipti kezeńderdiń biri. Demalysyńyzdy múmkindiginshe qaýipsiz etýge tyrysyńyz, balalaryńyzben jaqyn bolyńyz jáne olarǵa qamqorlyq jasańyz», delingen Almaty oblysy TJD baspasóz qyzmeti taratqan aqparatta.