20 qańtarda Shymkentte jol apaty bolyp, sońy jappaı tóbeleske ulasty. Saldarynan 40 jastaǵy er adam qaza tapty. Polısıa kúdiktilerdi izdestirip jatyr, - dep habarlaıdy aqshamnews.kz tilshisi.
Oqıǵa Erimbetov pen Rysqulov kósheleriniń qıylysynda bolǵan.
Eki júrgizýshi bir-birimen janjaldasyp jatqanda taǵy bir kólik toqtap, odan shyqqan adamdar da janjalǵa aralasqan. Tóbeles kezinde birneshe zardap shegip, eki adam aýrýhanaǵa jetkizildi. Alaıda bir adam kóz jumdy.
Polısıa bolǵan jaǵdaıqa qatysty qylmystyq is qozǵady.
"Adam óltirý deregi boıynsha qylmystyq is qozǵaldy. Shymkent Polısıa departamenti kúdiktilerdiń júrgen jerin anyqtaý jáne olardy ustaý úshin sharalar qabyldap jatyr. Kúdiktilerdi anyqtaýǵa jáne ustaýǵa baǵyttalǵan jedel izdestirý is-sharalaryna departamenttiń barlyq kúsh-quraly jumyldyryldy", - dedi polısıa.