TJM azamattarǵa órt qaýipsizdik erejelerin saqtaýǵa keńes beredi
2022 jyly 13 naýryzda saǵat 01:07 SQO TJ departamentiniń «Órt sóndirý jáne avarıalyq-qutqarý jumystary qyzmeti» MM 101 telefonyna Máskeý ótkelindegi 4 páterli kirpish turǵyn úıde (Bereke shaǵyn aýdany) órt shyqqany týraly habarlama kelip tústi. Bul týraly QR TJM baspasóz qyzmeti málimdedi, dep habarlaıdy Almaty-akshamy.kz.
Órt sóndirýshiler saǵat 01:13-te kelgen sátte úıdegi № 3 páter janyp jatqany anyqtaldy. Úıdiń shatyry órtke oranǵan, qoıý tútin basqan. Órttiń shyǵýy týraly habarlama quzyrly organǵa kesh berilgen.
Órt sóndirýshiler dereý órtti sóndirýge kirisken. Órtti sóndirý barysynda 1975, 1979, 1960 jyldary týǵan eki er adamnyń jáne 1960, 1967 jyldary týǵan 2 áıel adamnyń deneleri tabyldy. Qaıtys bolǵan adamdardyń deneleri sot-medısınalyq saraptamaǵa jiberildi. Úı ortalyq jylytý júıesine qosylǵan. Órt saǵat 01.53-te aýyzdyqtalyp, saǵat 02.24-te sóndirildi.
Órt sóndirý kezinde Petropavl qalasy 4 órt sóndirý bóliminiń (№1, 2, 3 jáne 5) 30 órt sóndirýshisi men 6 birlik tehnıkasy jumyldyryldy. Órt aýmaǵy 60 sharshy metrdi qurady.
Órttiń shyǵýyna alkogóldik ishimdik iship, tósekte temeki tartý sebep bolýy múmkin degen boljam bar. Keltirilgen shyǵyn mólsheri anyqtalýda. 2022 jylǵy 1 aqpanda №5 órt sóndirý bóliminiń qyzmetkerleri aýla aralaý jumystary barysynda órtte qaıtys bolǵan er adamdardyń biri, 1960 jyly týǵan er adamǵa órt qaýipsizdik erejeleri jazylǵan jadynama tabys etken bolatyn. Qaza tapqandar halyqtyń áleýmettik osal toptary sanatyna jatpaıdy, spırttik ishimdik ishetin adamdar retinde esepke alynbaǵan. Kýágerlerdiń aıtýynsha, órt shyǵar aldynda qaıtys bolǵandar spırttik ishimdik ishken. Bıylǵy jyly SQO aýmaǵynda 115 órt boldy, onda 12 adam qaza tapty, 4 adam zardap shekti, keltirilgen materıaldyq shyǵyn shamamen 72 mln teńgeni qurady.
TJM azamattarǵa órt qaýipsizdik erejelerin saqtaýǵa keńes beredi.