Qala ákimdigi muz qalashyǵyna qatysty teris málimet bergen
Jańa jyl qarsańynda, qoǵam tarapynan shý týdyrǵan Pavlodardaǵy muz qalashyǵynyń quny ákimdik ókilderi málimdegendeı 52 mln teńge emes, 60 mln teńge bolyp shyqty, dep habarlaıdy almaty-akshamy.kz.
- Qalalyq TÚKSH bólimi tilshimizge nysandy qabyldap alyp, 52 mln teńge merdigerdiń esep shotyna aýdarylǵany jaıly resmı málimet bergen bolatyn. Al oǵan deıin qala ákiminiń orynbasary 53 mln teńgege muz qalashyǵy salynyp jatyr,-dep jarıalady.
Biraq búgin bul aqparattyń shyndyqqa janaspaıtyny anyqtaldy. Sybaılas jemqorlyqqa qatysty jeke zertteý júrgizip júrgen respýblıkalyq qoǵamdyq birlestiginiń aımaqtaǵy ókildigi konkýrstyq talaptardan bastap, jobalyq-smetalyq qujattaryna deıin tekseripti.
- Kelisimshart boıynsha 20-shy jeltoqsanda bul muz qalashyǵy salynyp bitip qabyldanýy kerek bolatyn. Biraq búgingi kúni mine 28 jeltoqsan bul qalashyq bitken joq. Portalda jumystyń aıaqtalǵany týraly akti, ne aqsha aýdarylǵany týraly eshqandaı málimet joq. Iaǵnı jumys qabyldanbaǵan. Aıtyp otyr 52, 53 mln dep, biraq bizdiń kórgenimiz NDS qosqanda 59 mln 999 myń 999 teńge, bylaısha aıtqanda 60 mln aqsha bólinip otyr, - deıdi "Ádildik joly" RQB Pavlodar oblystyq fılıalynyń basshysy Núrgúl Qaıyrdenova.
- Bul málimetterge qosa konkýrsty ótkizý kezinde jol berilgen birqatar zańbuzýshylyq derekteri hatqa túsirilip, búgin sybaılas jemqorlyqqa-qarsy is-qımyl departamentine tapsyrylǵan. Qazir qalashyqta biren-saran jumyskerler bar. Olar erip ketken músinderdiń ornyna plasmastan jasalǵan jasandy fıgýralardy ornatyp jatyr. Biraq osyndaǵy birde-bir nysan paıdalanýǵa jaramsyz. Syrǵanaqtarda muz joq, taqtaıy shyǵyp ketken. Qańtar boıy óńirde kún raıy jyly bolady. Biz basqa da qoǵamdyq uıymdarmen birigip, búdjet qarajatyn keri qaıtarýǵa kúsh salamyz, - deıdi "Ádildik joly" birlestiginiń aımaqtaǵy ókili.