2023 jyldyń 9 aıynda elimizdegi qonaq úıler týrıserge 175,7 mlrd teńgege qyzmet kórsetti. Bul ótken jyldyń sáıkes kezeńimen salystyrǵanda 36 paıyzǵa artyq, dep habarlaıdy almaty-akshamy.kz.
2022 jyldyń qańtar-qyrkúıek aralyǵynda elimizdegi ornalastyrý oryndary týrıserge 129,2 mlrd teńgege qyzmet kórsetken. Al pandemıaǵa deıingi deńgeımen salystyrǵanda atalǵan kórsetkish shamamen 2 ese ósti. Qazirgi tańda elimiz boıynsha barlyǵy 4 myńnan asa týrısik ornalastyrý orny bar. Olardyń qataryna qonaq úıler, motelder, pansıonattar, balalar lagerleri, kempıngter, jataqhanalar, demalys úıleri jáne basqa da oryndar kiredi.
«Komıtet elimizge keletin qonaqtarǵa qolaıly jaǵdaı jasaý, ornalastyrý oryndarynyń assortımentin keńeıtý jáne týrısik qyzmetterdiń sapasyn arttyrý boıynsha jumystardy jalǵastyrady. Qolǵa alynyp jatqan naqty ister kelýshilerdiń qajettilikterin qanaǵattandyrýǵa ǵana emes, týrızm salasyndaǵy ekonomıkalyq ósýdi qoldaýǵa da baǵyttalǵan. Sonymen qatar olar Qazaqstan bedelin túrli jáne sapaly ornalasý nusqalary bar týrısik baǵyt retinde nyǵaıtýǵa septigin tıgizedi», - dep atap ótti QR TSM Týrızm ındýstrıasy komıteti tóraǵasynyń m.a. Nurtas Káripbaev.