Prokýrorlar múddeli organdarmen birlesip, alımenttik tólemderdi óndirip alý boıynsha turaqty negizde jumys júrgizýde, dep habarlaıdy aqshamnews.kz.
Máselen, jyl basynan beri 875 mln teńge somasyna qaryzdar óteldi, 330 boryshkerge jumyspen qamtý organdarynda esepke turý týraly habarlamalar tabystaldy, 91 - jumysqa ornalastyryldy, 38-inde júrgizýshi quqyǵy toqtatyldy.
Reıdtik sharalar barysynda boryshkerlerdiń 6 kólik quraly aıyppul turaǵyna qamaldy, quny 22mln teńgeden asatyn somada 8 jyljymaıtyn múlik óndirip alýshylarǵa qaryzdardy óteý esebine berildi.
Alıment tóleý jónindegi mindetterdi oryndamaǵany úshin 34 boryshker qylmystyq jaýaptylyqqa, 260 boryshker ákimshilik jaýaptylyqqa tartyldy.
QK-tiń 139-baby boıynsha qylmystyq qýdalaý organdaryna 58 boryshkerge qatysty materıaldar joldandy.
Esterińizge salsaq, atalǵan bap boıynsha 2 jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrý túrindegi jaza kózdelgen.
Alıment óndirip alý boıynsha jumys oblys prokýratýrasynyń turaqty baqylaýynda.