21 qarashada «Grajdane kryshı» fılmi Qazaqstan kınoteatrlarynda kórsetile bastaıdy.
Týyndyny QR Mádenıet jáne aqparat mınıstrligi men Ulttyq kınony qoldaý memlekettik ortalyǵynyń qoldaýymen túsirgen. Fılm qazaq jáne orys tilderinde kórsetiledi, dep habarlaıdy aqshamnews.kz.
Mádenıet jáne aqparat mınıstrliginiń málimetinshe, «Grajdane kryshı» – Gúlshat Smaǵulovanyń rejıserlik debúti. 15 jyldan astam prodúserlik tájirıbesi bar avtor bul fılmde erekshe dostyq oqıǵasyn baıandaıdy.
Týyndynyń bas keıipkerleri – qıyn taǵdyrdy bastan ótkergen Damır men aýtızm dıagnozy bar jasóspirim Kostá. Bul – qoǵamǵa beıimdelý, ınklúzıa, meıirimdilik pen túsinistiktiń qundylyǵy týraly áserli hıkaıa.
Senarı avtory – Janna Tımofeeva (debút), al qoıýshy-sýretshi – Elena Aıtova (debút). Qoıýshy operator – Aleksandr Plotnıkov. Fılm túsirilimi 2024 jyldyń kókteminde Almaty men Almaty oblysynyń Talǵar aýdanynda ótti.