28 jeltoqsan kúni talqylaýǵa alyndy.
Qazaqstan Parlamentiniń depýtattary Elbasy týraly zańnyń kúshin joıýǵa qatysty qujatty qaraıdy, dep habarlaıdy Almaty-akshamy.kz QazAqparatqa silteme jasap.
«Atalǵan zań jobasy respýblıkalyq referendým qorytyndylary boıynsha el Konstıtýsıasyna engizilgen ózgeristerdi iske asyrý maqsatynda ázirlendi. Atap aıtatyn bolsaq, bıylǵy 8 maýsymdaǵy zańmen Konstıtýsıaǵa engizilgen túzetýlerge sáıkes, Qazaqstannyń Tuńǵysh Prezıdentiniń mártebesi men ókilettigi Respýblıka Konstıtýsıasymen jáne konstıtýsıalyq zańmen aıqyndalady degen normany kózdeıtin Ata Zańnyń 46-baby 4-tarmaǵy alynyp tastaldy. Osyǵan baılanysty, bul zań jobasymen quqyqtyq negizdiń joqtyǵyn eskere otyryp, tıisti Konstıtýsıalyq zańnyń kúshin joıý kózdeledi», - dedi Májilistiń Zańnama jáne sot-quqyqtyq reforma komıtetiniń tóraǵasy, depýtat Arman Qojahmetov palatanyń jalpy otyrysynda.
Osy oraıda ol Májilis komıteti zań jobasyn talqylaýǵa alatynyn aıtty.
Eske salsaq, jyl basynda Senat memlekettik bastamalardy Elbasymen kelisý qajettiligin joıýdy usyndy.
Sonymen qatar 2 aqpanda Parlament Elbasy týraly zańǵa túzetýdi qabyldady.
QR Ádilet mınıstri Qanat Mýsın "Tuńǵysh Prezıdent týraly" zańǵa túsinikteme berdi.