Maqalalar túpnusqa kúıinde shyqty
Parıjde Mustafa Shoqaıdyń fransýz tilinde jazǵan maqalalary bir kitap bolyp, basylyp shyqty, dep habarlaıdy aty-akshamy.kz «Habar 24» telearnasyna silteme jasap.
Bul Túrkıada turatyn qazaq, tarıhshy Ábdi-ýaqap Qaranyń kóp jyldyq zertteýleriniń nátıjesi. 20 jyldaı emıgrasıada júrgen Mustafa Shoqaı júzdegen maqala jazdy. Onyń 120-sy fransýz tilinde. Fransıanyń aqparat quraldarynda jarıalanǵan týyndylarynyń osy bóligi jańa jınaqqa endi. Olardyń barlyǵy Keńes Odaǵynda túrki halyqtarynyń hal-jaǵdaıyna arnalǵan. Jalpy Túrkistan avtonomıasy basshysynyń ómiri men eńbegi áli kúnge deıin tolyq zerttelmegen. Bolashaqta batys basylymdarynda jarıalanǵan Mustafa Shoqaıdyń maqalalaryn qaza tiline aýdarý josparda bar.
«Bul kitap sol zertteýshilerge ońaı bolsyn jáne biz mysaly Shoqaıdy qalaı tanımyz? Ony pikirleri arqyly tanımyz. Sondyqtan onyń óziniń taza oıyn taza onyń qalamynan kórý kerek. Sondyqtan bul fransýz tilindegi maqalalary onyń óziniń maqalalary, biz ony aýdarǵan joqpyz. Sol orıgınal kúıinde berdik. Endi ony ǵalymdar, fransýz tilin bilgender túsinedi. Ekinshiden biz ony shyǵarýdyń bir sebebi – Eýropa tanysyn dep, óıtkeni ózimizdiń ulylarymyzdy ózimizge ǵana aıtyp qoımaýymyz kerek, álemge tanystyrýymyz kerek. Osy oraıǵa bul qyzmet isteıdi, biraq ekinshiden onyń pikirlerin ózimiz de bilýimiz kerek», - deıdi Mımar Sınan atyndaǵy ýnıversıtettiń profesory Ábdiýaqap Qara.