Kárim Másimovti qamaýda ustaý merzimi osyǵan deıin birneshe ret uzartylǵan bolatyn
QR Ulttyq qaýipsizdik komıtetiniń eks-tóraǵasy Kárim Másimovti qamaýda ustaý merzimi taǵy uzartyldy, dep habarlaıdy Almaty-akshamy.kz.
«Ulttyq qaýipsizdik komıtetiniń Shuǵyl-tergeý toby K.K.Másimov, A.T.Sadyqulov, D.E.Erǵojın jáne ózge de tulǵalarǵa qatysty QR Qylmystyq kodeksiniń 175-baby 1-bóligi, 179-baby 3-bóligi, 218-baby 3-bóliginiń 3-tarmaǵy, 362-baby 4-bóliginiń 3-tarmaǵy, 366-baby 4-bóligi boıynsha qylmystyq isti tergeýdi jalǵastyryp jatyr. 2022 jyldyń 31 mamyrynda Másimov pen Sadyqulovty qamaýda ustaý merzimi 2022 jyldyń 6 shildesine deıin, Erǵojındi 2022 jyldyń 13 shildesine deıin uzartyldy», - dedi QR UQK baspasóz qyzmetinen.
Kárim Másimovti qamaýda ustaý merzimi osyǵan deıin birneshe ret uzartylǵan bolatyn. Buǵan deıin sot sanksıany 2022 jyldyń 6 maýsymyna deıin bergen edi.
Eske salaıyq, bıylǵy 6 qańtarda Memleket basshysynyń Jarlyǵymen Kárim Qajymqanuly Másimov QR Ulttyq qaýipsizdik komıtetiniń tóraǵasy laýazymynan bosatylyp, 8 qańtarda K.Másimov jáne ózge de tulǵalar ustalyp, ýaqytsha oqshaýlaǵyshqa qamaldy. Olardyń ústinen memleketke satqyndyq faktisi boıynsha sotqa deıingi tergeý bastaldy.