Kezdesý qorytyndysy boıynsha Qazaqstan men Pákistannyń avıasıalyq bıligi arasynda kelisimge qol qoıyldy
Memleket basshysynyń tapsyrmasyn oryndaý úshin QR IIDM Azamattyq avıasıa komıteti ushý geografıasyn odan ári keńeıtý jáne halyqaralyq reıster sanyn ulǵaıtý, sondaı-aq "ashyq aspan" rejıminiń saıasatyn iske asyrý boıynsha jumys júrgizýde, dep habarlaıdy Almaty-akshamy.kz.
Búgin Islamabad qalasynda (Pákistan) QR Premer-Mınıstriniń orynbasary – saýda jáne ıntegrasıa mınıstri Serik Jumanǵarınniń tóraǵalyǵymen memlekettik organdar men uıymdardyń qatysýymen Qazaqstan men Pákistan arasyndaǵy saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi 11-shi otyrys ótti,
Jınalys sheńberinde Azamattyq avıasıa komıtetiniń tóraǵasy Talǵat Lastaev pen Pákistannyń Azamattyq avıasıa basqarmasynyń bas dırektory Hakan Murtaza myrzamen kezdesýi ótti.
Kezdesý qorytyndysy boıynsha Qazaqstan men Pákistannyń avıasıalyq bıligi arasynda kelisimge qol qoıyldy.
Qol jetkizilgen ýaǵdalastyqtar negizinde qazaqstandyq "SCAT" avıakompanıasy 2023 jylǵy naýryzdan bastap Voeipg 737 úlgisindegi áýe kemelerinde Almaty – Lahor (aptasyna 2 reıs) jáne Almaty – Karachı (aptasyna 2 reıs) baǵyttary boıynsha tikeleı jolaýshylar reısterin ashýdy josparlap otyr.
Qazaqstan men Pákistan arasynda áýe qatynasynyń ashylýy elder arasyndaǵy saýda-ekonomıkalyq, ınvestısıalyq, týrısik jáne mádenı yntymaqtastyqty damytýdy jedeldetýge múmkindik beredi.