2022 jylǵy qańtar-qyrkúıek aralyǵynda Qazaqstanǵa kelýshiler sany 3,4 mln adamǵa jetip, aldyńǵy jylmen salystyrǵanda 3,6 ese artty.
Biraq elge kelgen adamdar sanynyń ósýi týrızmmen baılanysty emes, dep habarlaıdy Almaty-akshamy.kz Elorda.info saıtyna silteme jasap.
Energyprom.kz sarapshylarynyń zertteýinshe, Qazaqstandaǵy kelýshilerdiń artýyna eki nárse áser etken. Birinshisi – koronavırýstyq pandemıaǵa baılanysty karantındik shekteýlerdiń joıylýy. Ekinshisi - Reseıdegi mobılızasıaǵa baılanysty reseılikterdiń jappaı kelýi.
Syrtqy týrızm aıtarlyqtaı basym. Mysaly, 2022 jyldyń toǵyz aıynda basqa elderge 5,6 mln qazaqstandyq demalýǵa ketti. Bul ótken jyly shetelde qydyrǵandardan 2,2 ese kóp.
İshki týrızm, ıaǵnı Qazaqstan ishinde saıahattaý deńgeıi artqan, aldyńǵy jylmen salystyrǵanda 25,1%-ǵa kóp.
U.S.News-tiń týrızm boıynsha úzdik elder reıtıńinde Qazaqstan 85 eldiń ishinde 84-shi orynda tur. Týrızmi eń nashar el Iran bolsa, odan keıingi kezekte Qazaqstan. Elimiz Ýkraına, Ózbekstan, Ázirbaıjan, Belarýs, Reseı sıaqty elderden ǵana emes, Zambıadan, Lıvannan, Mánmadan da artta qalǵan.
QR týrısik ımıjin qalyptastyrýdy damytý úshin birneshe qadamdar jasaýda, biraq ol nátıjesiz sekildi. Mysaly, Qazaqstanda mezgil saıyn KITF-tiń "Týrızm jáne saıahat" atty halyqaralyq kórmesi ótedi, ol kóbinese kóshpeli týrızmdi damytýǵa yqpal etedi. Kórmege otandyq týroperatorlar men basqa da túrli elderdiń ókilderi keledi.
Sonymen qatar, Mádenıet jáne sport mınıstrliginiń 2022 jylǵy búdjettik baǵdarlamalaryn (kishi baǵdarlamalaryn) iske asyrý monıtorıńiniń nátıjeleri boıynsha "Týrızm men týrısik qyzmetti damytýdy yntalandyrý" sanatynda vedomstvoǵa 402 mln teńge usynyldy.
Alaıda munda oryndalý paıyzy nebári 21,3%, al ıgerilmegen soma — 316,2 mln teńge.