Almatyda VII shaqyrylǵan qalalyq máslıhattyń kezekten tys XXXII sesıasy ótti. Otyrysqa qala ákiminiń orynbasarlary, basqarma basshylary, máslıhat depýtattary, qoǵamdyq keńes músheleri jáne saraptamalyq qoǵamdastyq ókilderi qatysty, dep habarlaıdy Almaty-akshamy.kz.
Sesıa barysynda máslıhat depýtattary birqatar normatıvtik-quqyqtyq aktilerdi, onyń ishinde Jasyl jelekterdi kútip ustaý jáne qorǵaý erejelerin qarady jáne bekitti, olardy ázirleýge ǵalymdar, kógaldandyrýshylar jáne jurtshylyq ókilderi belsendi qatysty.
Erejeler alǵash ret jasyl jelekterge qatysty normalar men talaptardy engizedi, ıaǵnı sýarý, onyń ishinde sýarý júıesin uıymdastyrý, jasyl jelekterdi zıankester men aýrýlardan bıologıalyq óńdeý, neǵurlym sapaly otyrǵyzý materıaldaryn tańdaý, obektilerden aǵashtarǵa deıingi eń az araqashyqtyqty saqtaý, aǵashtarǵa sanıtarlyq jáne formaly kesýdi júrgizý, qurylys júrgizý nemese aýmaqty rekonstrýksıalaý týraly sheshimder qabyldaý kezinde mindetti túrde qoǵamdyq tyńdaýlar ótkizý.
Jańa erejelerge sáıkes, ótemdik ekpeler kezinde bıiktigi keminde 2,5 m nemese bıiktigi keminde 2 m qylqan japyraqty aǵashtardy úsh jyl boıy kútý qarastyrylady.
Erejelerde jasyl keńistigi bar aýmaqta jumys isteıtin qurylys kompanıalaryna qoıylatyn talaptar aıtarlyqtaı kúsheıtilgen. Qurylys uıymdary jumystardy júrgizý kezinde jasyl jelekterdiń saqtalýyn qamtamasyz etý úshin talaptardy oryndaýǵa mindetti.
Sesıa barysynda máslıhat depýtattary Janýarlardy aýlaýdyń, ýaqytsha kútip-baǵýdyń jáne jansyzdandyrýdyń óńirlik qaǵıdalaryn, úı janýarlaryn kútip-baǵý jáne serýendetý erejelerin bekitti. Bul qujattar aýlaýdyń adamgershilik tásilin retteýge, qańǵybas janýarlardy beıimdeý (qosý) jónindegi jumysty jetildirýge múmkindik beredi; janýarlarǵa qatygezdik jasaǵany úshin ákimshilik yqpal etý sharalaryn, t.b. qarastyrady.
Depýtattar Almaty qalasynda týrıserdiń kelý qunynyń (bes) paıyzy mólsherinde sheteldikter úshin týrısik jarna mólsherlemesi boıynsha sheshim qabyldady jáne bekitti. Mundaı tájirıbe kóptegen jetekshi týrısik elderde engizilgen. Týrısik jarnadan alynǵan aqshalaı qarajat jergilikti búdjetten týrızmdi damytýǵa baǵyttalatyn bolady.
Sonymen qatar, halyqtyń ómir súrý jaılylyǵyn arttyrý úshin Almaty qalasynda syrtqy jaryqtandyrý júıelerin paıdalaný erejeleri bekitildi. Negizgi maqsat – syrtqy jaryqtandyrý nysandaryn kútip ustaý jáne paıdalaný, kólik quraldarynyń qozǵalys qaýipsizdigi jónindegi is-sharalardy ońtaılandyrý, sondaı-aq biryńǵaı jaryq tujyrymdamasyn jasaý.
Qaýipsizdikti qamtamasyz etý, sondaı-aq qylmys deńgeıin tómendetý jáne qylmystardyń ashylýyn arttyrý maqsatynda "Almaty qalasynda menshik ıeleriniń kelisimine oraı azamattar kóp jınalatyn oryndarda beınekameralar ornatý jáne beınebaqylaý monıtorıńin júrgizý erejelerin bekitý týraly» máslıhat sheshiminiń jobasy ázirlendi. Bul erejeler menshik ıeleriniń kelisimimen polısıa departamentiniń Jedel basqarý ortalyǵynyń biryńǵaı júıesine komersıalyq obektilerdiń beınekameralaryn qosýǵa múmkindik beredi. Baılanys arnasy úshin tolyq tólemdi memlekettik organ óz moınyna alady. Osynyń arqasynda qalada beınebaqylaýdy qamtý 4 esege – 128 myń kameraǵa deıin keńeıedi.
Sesıa barysynda depýtattar qala ákimi men Almaty qalasy aýdandary ákimderiniń halyqpen kezdesýleriniń jyldyq kúntizbesin maquldady. Máselen, 2022 jyly qala ákimi Erbolat Dosaev halyqpen jalpy 24 kezdesý ótkizdi.
Depýtattar Almaty qalasy Jer komısıasynyń quramyn jáne ol týraly qaǵıdany bekitti. Quram jyl saıyn kelesi on eki kúntizbelik aı ótkennen keıin bekitiledi.
Sesıa barysynda máslıhat aýdandyq jáne ýchaskelik saılaý komısıalarynyń jańa quramyn saılady, sondaı-aq qalǵan ókilettik merzimine shyǵyp qalǵandardyń ornyna saılaý komısıalarynyń múshelerin saılady.
Atap óterligi, ótken jyly qalalyq máslıhat Almaty qalasynyń ákimdigimen birlesip rekordtyq sesıalar ótkizdi, sondaı-aq óz tarıhynda qalanyń tynys-tirshiligin retteıtin barynsha kóp normatıvtik-quqyqtyq aktilerdi bekitti. Máselen, turaqty komısıalardyń 19 sesıasy men 85 otyrysy ótti. Nátıjesinde 106 sheshim qabyldandy, onyń ishinde 25 normatıvtik-quqyqtyq akt. 5 sesıada búdjetti naqtylaý boıynsha sheshimder qabyldandy.
Máslıhattyń usynysy boıynsha partıalardyń barlyq fılıaldarynyń qoǵamdyq qabyldaý bólmeleri ashyldy. 2022 jyly depýtattar máslıhattyń qoǵamdyq qabyldaý bólmesinde 31 azamatty qabyldady. Azamattardyń ótinishteri boıynsha jáne áleýmettik jelilerdegi rezonanstyq jarıalanymdar boıynsha beıindi memlekettik organdar men aýdan ákimdikteriniń ókilderimen turaqty komısıalardyń jedel barý tájirıbesi engizildi. Máseleler jergilikti jerlerde qaralady jáne tıisti sharalar qabyldanady.
QR Prezıdenti Q.K. Toqaevtyń tapsyrmasyna sáıkes, máslıhat sesıalarynyń ashyqtyǵy men transparenttigin arttyrý maqsatynda sesıalar onlaın rejımde ótti jáne kópshilik nazaryna usynyldy.